உணவு பாதுகாப்புத்துறை அதிகாரி அவர்களுக்கு,
அய்யா வணக்கம்.
அதிகபட்ச விற்பனை விலையைவிட கூடுதல் கட்டணம் வசூலித்த திருப்பூர் கணேஷ் டிப்பார்ட்மென்ட் ஸ்டோர்ஸ் உரிமையாளர் மீது புகார் :31/05/2018
திருப்பூர் மாவட்டம் திருப்பூர் வடக்கு வட்டம் திருப்பூர் மாநகராட்சி 6 வது வார்டு கதவு எண் ; 58/10 அவிநாசி சாலை பெரியார் காலனியில் செயல் பட்டு வரும் கணேஷ் டிப்பார்ட்மெண்ட் ஸ்டோரில் 30.05.2018 அன்று காய்கறிகள் உள்ளிட்ட பொருட்கள் வாங்கினேன்.
கணேஷ் டிப்பார்ட்மெண்ட் ஸ்டோர்ஸ் சொந்த தயாரிப்பான வடகம் 150 கிராம் பாக்கெட் ஒன்று வாங்கினேன்.
அதில் 150 கிராம் ₹ 30 .00 என குறிப்பிடப்பட்டிருந்தது.
ஆனால் அவர்கள் வழங்கிய BILL NO :C01052974 இல் 150 கிராம் வடகம் ₹ 40.00 என என்னிடம் கூடுதலாக ₹ 10 ரூபாய் வசூலித்துள்ளார்கள்.
இது சம்பந்தமாக கடை கேஷியரை கேட்ட போது ₹ 40 ரூபாய் தான் பதிலளித்தார்கள்.
இது நுகர்வோராகிய எனக்கு மிகுந்த அதிர்ச்சியை ஏற்படுத்தி உள்ளது.
கோரிக்கை:
1.வடகம் பாக்கெட்டில் குறிப்பிட்டுள்ள அதிக பட்ச விற்பனை விலை ₹ 30 .00 பதிலாக ₹ 40.00 ரூபாய் என கூடுதலாக என்னிடம் ₹ 10 ரூபாய் சட்ட விரோதமாக வசூலித்துள்ளார்கள் .
என்னிடம் கூடுதலாக வசூலிக்கப்பட்ட ₹ 10 பணத்தினை திரும்ப பெற்று தருவதுடன் அவர்கள் மீது நடவடிக்கை எடுக்க கோருகிறேன் .
2. வடகம் பாக்கெட்டில் Fssai Lic No : குறிப்பிட படவில்லை!
3. லாட் எண் மற்றும் காலாவதி தேதி குறிப்பிட படவில்லை .
4. பேக்கிங் தேதி, எடையளவு, விலை உள்ளிட்ட விபரங்களை பாக்கெட்டின் பின்பகுதியில் ஸ்டிக்கரால் ஒட்டி விற்பனை செய்கிறார்கள்.
5. வடகம் பொள்ளாச்சி முகவரியில் தயாரிக்கப்படுவதாக பாக்கெட்டில் குறிப்பிடப்பட்டுள்ளது.
6. காலாவதியான பல உணவு பொருட்கள் விற்பனை செய்யப்பட்டு வருகிறார்கள்.
7.திருப்பூர் மாநகராட்சியால் தடை செய்யப்பட்ட பிளாஸ்டிக் பொருட்களையும் சட்ட விரோதமாக விற்பனை செய்து வருகிறார்கள்.
7. திருப்பூர் கடை மற்றும் பொள்ளாச்சி, உடுமலை,பல்லடம் ,கோவை ,ஆனை
மலை என பல்வேறு பகுதிகளில் இவர்களிள் கிளைகள் செயல் பட்டு வருகிறது.அந்த கிளைகள் அனைத்தினையும் முழுமையாக ஆய்வு செய்து சட்ட ரீதியிலான நடவடிக்கை எடுத்து அனைத்து நுகர்வோர்களையும் பாதுகாக்க கோருகிறேன்.
குறிப்பு : வடகம் பாக்கெட்டின் புகைப்படம் மற்றும் கூடுதல் கட்டணம் வசூலித்த பில் புகைப்படம் இணைத்து அனுப்பியுள்ளேன்.
No comments:
Post a Comment